अदालतले ग¥यो संचारकर्मीसंग अन्तरक्रिया

केशव वि.क. 

जोमसोम । मुस्ताङ जिल्ला अदालत जोमसोमले बुधवार संचारकर्मी र वडा सचिवहरु संग अन्तरक्रिया गरेको छ । अदालतमा दर्ता हुँने मुद्धा निष्पक्ष र पारदर्शी बनाउन र आम जनतामा सत्य तथ्य समाचार संम्प्रेषण गर्नका लागि अन्तरक्रियाको अयोजना गरिएको हो । 

माननीय जिल्ला न्यायाधीश बलराम त्रीपाठीको अध्यक्षतामा भएको अन्तरक्रियामा न्यायलयलाई चुस्त राख्नको लागि विविध निर्णय गरिएको छ । निर्णयलाई सहि रुपमा कार्यान्वयन गर्न सबै पक्ष प्रतिबद्ध हुनुपर्ने बताइएको छ । 

न्यायालयको रणनीतिक कार्य योजनालाई सार्थक बनाउँन न्याय सम्पादनमा अदालतबाट हुँने काम कारवाहीलाई सहयोग पु¥याउँने, न्यायिक बिषयमा समाचार प्रकाशन प्रसारण गर्दा न्यायपालिकाको जनआस्था र बिश्वासलाई प्रतिकुल नहुँने गरेर आधिकारीक व्यक्तिबाट जानकारी लिने, न्यायलय प्रतिको मुल्यमान्यता र जनआस्था अभिबृद्धि गराउँन सञ्चारकर्मीले रचनात्मक भूमिका निर्वाह गर्ने लगायतका निर्णय भएको श्रेस्तेदार महेन्द्र ज्ञवालीले जानकारी दिए । 

त्यसैगरी अन्तक्रियामा स्थानीय तहका सचिवहरु बीच अदालतका फैसलाले असूल उपर गर्नुपर्ने कैद, दण्ड र जरिवाना लागेका व्यक्तिलाई पहिचान गराई कैद, दण्ड जरिवाना असूल उपर गर्न सहयोग गर्ने लगायतका निर्णय गरिएको अदालत स्रोतले जनाएको छ ।

जोमसोममा विजय उत्सव मनाउन उर्लियो जनसागर

केशव वि.क.

मुस्ताङ । मंसिर २१ गते साँझ देखि सुरु भएको मत गणनाको अन्तिम नतिजा पश्चात मुस्ताङको सदरमुकाम जोमसोममा शुक्रवार विजय उत्सव मनाउन जनसागर उर्लिएको छ ।  

मंसिर १० गते भएको पहिलो चरणको निर्वाचनमा विजयी भएका बाम गठबन्धनका उम्मेदवार समर्थक यवं पार्टी कार्यकर्ताहरु विजय उत्सव मनाउन शुक्रवार जोमसोममा जम्मा भएका हुन् ।  

ठुलो संख्यामा उपस्थित जिल्लाको पाँच वटै गाउँपालिकाका स्थानिय पार्टी कार्यकर्ताहरुको मुस्ताङ जिल्ला लालकिल्ला, बाम गठबन्धन जिन्दावाद, यो जित कस्को जनताको लगायतका नाराले जोमसोम बजार घन्किएको थियो ।

उक्त ¥यालीले जिल्ला सदरमुकाम जोमसोम, मार्फा, स्याङ लगायतका ठाउँ परिक्रमा गरेको छ । विजय ¥यालीका सहभागीले गीत नाच प्रस्तुत गर्दै खुसीयाली बाँडेका छन् । विजयी उम्मेदवारहरुलाई स्थानियले फूलमाला र खादा द्धारा बधाई तथा सम्मान व्यक्त गरेका थिए ।  

मुस्ताङबाट प्रतिनिधिसभा र प्रदेशसभाका लागि सबै बाम गठबन्धनका उम्मेदवारहरु विजयी भएका छन् । प्रतिनिधिसभामा प्रेम प्रसाद तुलाचन, प्रदेशसभा क मा इन्द्रधारा विष्ट र प्रदेश ख मा महेन्द्र बहादुर थकाली विजयी भएका हुन् ।    

मुस्ताङमा सबै बाम उम्मेदवार विजयी

केशव वि.क

मुस्ताङ । गत मंसिर १० गते सम्पन्न पहिलो चरणको प्रतिनिधि सभा तथा प्रदेश सभाको निर्वाचनमा हिमाली जिल्ला मुस्ताङबाट बाम गठबन्धन (नेकपा एमाले र माओवादी केन्द्र) का सबै उम्मेदवार विजयी भएका छन् ।

प्रतिनिधिसभा तर्फ बाम गठबन्धनका साझा उम्मेदवार प्रेम प्रसाद तुलाचनले नेपाली कांग्रेसका रोमी गौचन थकालीलाई ३ सय ६३ मतान्तरले पराजित गरेका थिए ।

 निर्वाचनमा जिल्लामा भएका ९ हजार ४ सय २७ मतदाता मध्ये ६ हजार ७ सय ७३ मतदाताले मतदान गरेका थिए । जसअन्तर्गत तुलाचनले ३५ सय ४४ र गौचनले ३१ सय ८१ मत प्राप्त गरेका छन् । २५ मत बदर भएको थियो । जिल्लामा ३७ वटा मतदान केन्द्र कायम गरिएको थियो । 

त्यसैगरी प्रदेश सभा क्षेत्र नम्बर १ बाट बाम गठबन्धनका ईन्द्रधारा विष्टले ११ सय ६७ मत प्राप्त गरी विजयी भएका छन् । उनका प्रतिद्धन्द्धी नेपाली कांग्रेसका मिंगुर गुरुङले ६ सय ५७ मत प्राप्त गरेका छन् । सो क्षेत्रमा ३१ सय ५६ मतदाता मध्ये १८ सय ३६ मतदाता निर्वाचनमा सहभागि भएका थिए ।

त्यस्तै प्रदेश सभा क्षेत्र नम्बर २ मा बाम गठबन्धनका महेन्द्र बहादुर थकालीले २५ सय ८४ मतका साथ विजय हासिल गरेका छन् । उनका प्रतिद्धन्द्धी नेपाली कांग्रेसका छिरिङ धावा गुरुङले २२ सय ५९ मत प्राप्त गरेका छन् । 

प्रतिनिधि सभाका लागि एक वटा निर्वाचन क्षेत्र रहेको मुस्ताङलाई प्रदेश सभाका लागि लोमान्थाङ र दालोमे गाउँपालिका गरी क्षेत्र नम्बर १ र बाह्रगाउँ मुक्तिक्षेत्र, घरपझोङ र थासाङ गाउँपालिका गरी क्षेत्र नम्बर २ कायम गरिएको छ ।

मुस्ताङमा मत गणना सुरु

केशव विक
मुस्नाङ । गत मंसिर १० गते सम्पन्न पहिलो चरणको प्रतिनिधिसभा तथा प्रदेशसभाको निर्वाचनको मतगणना मंसिर २१ गते बिहिबार साँभदेखि जिल्ला समन्वय समितिको कार्यालय जोमसोममा सुरु भएको छ ।
प्रतिनिधिसभाको लागि एक निर्वाचन क्षेत्र र प्रदेशसभाको लागि दुई निर्वाचन क्षेत्र रहेको हिमाली जिल्ला मुस्ताङमा भएका कुल मतदाता ९ हजार ४ सय २७ मध्ये ६ हजार ७ सय   ७३ मत खसेको थियो ।
प्रदेश क मा १८ सय ३६ र प्रदेश ख मा ४९ सय ३७ मत खसेको थियो । प्रतिनिधिसभा तर्फ नेपाली काँग्रेसका रोमी गौचन थकाली र बाम गठबन्धनबाट प्रेम प्रसाद तुलाचनले प्रतिस्पर्धा गरेका छन ।
त्यसैगरी प्रदेश क मा बाम गठबन्धनबाट इन्द्रधारा विष्ट र कांग्रेसबाट मिक्युर गुरुङ चुनावी मैदानमा थिए । त्यस्तै प्रदेश ख को लागि बाम गठबन्धनबाट महेन्द्र बहादुर थकाली, कांग्रेसबाट छिरिङ धावा गुरुङ र राप्रपा बाट प्रविन शेरचनले प्रतिस्पर्धा गरेका थिए ।