मुस्ताङको एयरपोर्ट भित्रै मासु नष्ट

    मुस्ताङ साप्ताहिक संवाददाता
मुस्ताङ । पुथाङ एयरपोर्ट जोमसोममा मंगलबार ३० किलो कुखुराको मासु नष्ट गरिएको छ । चैत्र १ गते पोखराबाट सिम्रिक एयरलायन्स मार्फत आयातित भएको, भेटनरी स्वास्थ्य प्रमाणपत्र नभएको रातो रङको प्लाष्टिकको झोलामा रहेको १५÷१५ किलो बोइलर कुखुराको मासु नष्ट गरीएको प्रहरीले जनाएको छ ।
स्थानिय तथा पत्रकारको रोहबरमा एयरपोर्ट क्षेत्रभित्रै १२ हजार रुपैयाँ मुल्य बराबरको ३० किलो मासु नष्ट गरीएको हो । गत फागुन २१ गते देखि पोखराबाट अन्यत्र क्षेत्रको बजारमा पशु पंक्षी तथा पशुपंक्षी जन्य पदार्थ विक्री वितरण तथा निकासीमा रोक लगाएको थियो ।
     मुस्ताङमा पोल्ट्री फर्म नहुँदा मासुका लागि बाहिरी जिल्लाको भरपर्नु पर्ने भएकाले यहाँ हवाई तथा सडक यातायात मार्फत मासु आयात हुँदै आएको छ । बाहिरी जिल्लाबाट काटेको मासु मापदण्द पुरा नगरी ल्याउँदा यहाँको बजारमा गुणस्तरहिन मासु विक्री वितरण भैरहेको स्थानियले गुनासो गरेका छन् । गुणस्तरहिन मासुको विक्रि वितरण रोक्न सम्बन्धीत निकायको ध्यान पुग्नु जरुरी रहेको उनीहरुको भनाई छ ।