दुई दिनमा २ लाख भन्दा बढी राजस्व संकलन

     विकास बि.क,/मुस्ताङ
हिमाली जिल्ला मुस्ताङमा दुई दिनमा २ लाख भन्दा बढि राजस्व संकलन भएको छ । आश्विन १४ र १५ गते जोमसोममा संचालित कर शिविरमा २ लाख ५० हजार राजस्व संकलन भएको कोष तथा लेखा नियन्त्रक कार्यालयले जनाएको छ ।    
 शिविरमा २२ वटा नयाँ प्यान दर्ता, १४० फर्मको कर विवरण संकलन, १५ वटा मदिरा इजाजत बाट ७८ हजार र ५ वटा मदिरा नविकरणबाट ६० हजार गरी राजस्व संकलन गरिएको कोष नियन्त्रक गोकर्णराज सुयलले जानकारी दिए ।
    जिल्लाका कतिपय ब्यवसायी आन्तरिक राजस्व कार्यालय पोखरा गएर राजस्व तिरिसकेको र उपल्लो मुस्ताङका घमी, चराङ, लोमान्थाङका १२ ब्यवसायी प्यान र मदिरा इजाजत लिएको कोष नियन्त्रक सुयलले बताए ।
जिल्लामा रहेका उद्योगी ब्यवसायीलाई सहज रुपमा करको दायरामा ल्याउन कोष तथा लेखा नियन्त्रक कार्यालय मुस्ताङ र उद्योग वाणिज्य संघ मुस्ताङको सहयोगमा आन्तरिक राजस्व कार्यालयका कर अधिकृत सूर्य सुर्खानीको नेतृत्वमा ४ जनाको टोलीले कोष तथा लेखा नियन्त्रक कार्यालय जोमसोममा कर शिविर संचालन गरेको उद्योग वाणिज्य संघ मुस्ताङका अध्यक्ष खगेन्द्र तुलाचनले जानकारी दिए ।