थासाङको चौतर्फी विकासका लागि अहोरात्र खटने छुः नविन भट्टचन

    थासाङ गाउँपालिकाको अध्यक्ष पदका उम्मेदवार नविन भट्टचन एउटा निःस्वार्थ समाजसेवा गर्ने व्यक्ति हुन् । वि.सं. २०१४ सालमा जन्मिएका उनी आफ्नो अध्ययन पश्चात वि.सं. २०३० साल देखि १३ वर्षसम्म शिक्षण पेशामा आवद्ध भई मुस्ताङमा शिक्षाको ज्योति फैलाउने काम गरे । वि.सं. २०३४ सालमा कम्युनिष्ट पार्टीमा लागेका भट्टचनले नेकपा एमाले जिल्ला कमिटी मुस्ताङको सदस्यमा रही तीन कार्यकाल काम गरिरहेका छन् । उनी २०४६÷०४७ को आन्दोलन र ०६२÷०६३ को आन्दोलनमा सकृय रुपमा लागेका थिए । क्लव, संरक्षणक्षेत्र व्यवस्थापन समिति, विद्यालय व्यवस्थापन अध्यक्ष हुँदै सामाजिक संघसंस्था लगायतमा आफुलाई सकृय राख्दै समाजसेवा गरिरहेका छन् । समाजसेवी भट्टचनसंग मुस्ताङ साप्ताहिकका समाचार प्रमुख केशव विकले गरेको कुराकानी । 
 नेकपा एमालेबाट थासाङ गाउँपालिकाको प्रमुख दाबेदारको रुपमा प्रस्तुत हुनु भएको छ । के छ अवस्था ?
    म जनताको हकहितको पक्षमा सदैव लागिरहने पार्टी नेकपा एमालेको तर्फबाट थासाङ गाउँपालिकाको प्रमुखको उम्मेदवारी दर्ता गराएको छु । मलाई पार्टीले यस गाउँपालिकाको विकासका निम्ति आवश्यक ठानेर अघि सारेको छ । थासाङका जनताले पनि एमालेकै नीति र एमालेकै नेतृत्व चाहिरहेको अवस्था हो । एमालेले राष्ट्रिय रुपमै अगाडी सारेका समृद्ध राष्ट्रका एजेण्डाहरुले जनतामा एक किसिमको माहोल सृजना गरेको छ । थासाङ गाउँपालिकामा एमालेको अवस्था राम्रो छ ।
थासाङको लागि नविन भट्टचन योग्य हो ? चुनाव जित्नु हुन्छ ?
    यो त मैले भन्दा पनि जनताले आंकलन गर्ने विषय हो । जनताको चाहना अनुरुप नै मैले उम्मेदवारी दर्ता गराएको हुँ । गाउँ समुदायमा मैले पु¥याएको योगदानको मुल्याङकन सम्पूर्ण जनसमुदायले गरेका छन् । चुनावको दौडानमा पनि स्थानियले मेरो उम्मेदवारीलाई सहर्ष स्वीकार गरेका छन् । र एमालेले अगाडी सारेका विकासका एजेण्डालाई सम्पूर्ण थासाङवासीले आत्मसाथ गरेका छन् । जनताले एमालेबाट मेरो उम्मेदवारीलाई खुलेर स्वागत गरेको अवस्था छ । थासाङमा हाम्रो जित सुनिश्चित छ ।
थासाङ गाउँपलिकाको प्रमुखमा तपाईको उम्मेदवारी किन ?
    जीवनको अधिकांश समय समाजसेवामा विताए । गाउँ ठाउँ र समाजको विकासको निम्ति अहोरात्र खटिईरहे र अझै पनि म मा विकास र परिवर्तनको मोह उत्तिकै छ । हामीले नगरे कसले गर्ने अहिले नगरे कहिले गर्ने भन्ने भावना मेरो अन्तर आत्मामा जिवितै छ । मैले थासाङको समृद्धिका लागि सहि मार्ग निर्देश गरे भने पछिल्लो पुस्ताले अझ राम्रो गर्न सक्नेछन् र मैले जन्मभूमिका लागि केही गर्नुपर्छ भन्ने चाहनाका साथ समृद्ध थासाङ बनाउने अभियानका निम्ति मेरो उम्मेदवारी हो ।  

जनताले केका लागि तपाईलाई समर्थन गर्ने ?
    सिंगो राष्ट्र र जनताको हकहितको पक्षमा निरन्तर लड्ने एकमात्र पार्टी नेकपा एमाले हो ।        राष्ट्रिय रुपमै एमालेका एजेण्डाहरु लोकप्रिय छन् । र थासाङमा पनि एमालेले विभिन्न विकास निर्माणका कार्यमा आफ्नो अग्रणी भूमिका प्रस्तुत गरिरहेको छ । थासाङमा एमालेलाई अब्बल पार्टी तुल्याउन म निःस्वार्थ भावनाका साथ समाजिक कार्यमा सकृय रुपमा लागिरहेको एउटा कार्यकर्ता हुँ । पछिल्लो समयमा आसन्न स्थानिय तहको निर्वाचनमा यस गाउँपालिकाको नेतृत्व गर्दै जनतालाई प्रत्यक्ष रुपमा विकास अनुभूति दिलाउने दृढ संकल्पका साथ थासाङवासी समक्ष उपस्थित भएको छु । यतिखेर समृद्ध थासाङका बनाउने अभियानमा म र मेरो नेतृत्वलाई जनताको अमुल्य सहयोगको आवश्यकता छ ।
समृद्ध थासाङ बनाउन के छन् त तपाईका एजेण्डाहरु ?
    आदारणीय जनसमुदायहरु हामी गर्छौँ, हामीलाई अवसर दिनुहोस । प्राकृतिक सुन्दरता र सम्पदाले धनी हिमाली जिल्ला मुस्ताङ समृद्ध बनाउन हामी विकासको दृष्टिकोण र उचित खाका सहित जनतासामु प्रस्तुत भएका छौँ । यहाँ प्रशस्त संभावनाहरु छन् । त्यसको पहिचान परिचालन तथा उपयोग गर्न सक्ने नेतृत्वको कमि हो । त्यसका लागि जनताले हामीलाई सुर्य चिन्हमा आफ्नो अमुल्य मतदान     गरी नेतृत्व तहमा पु¥याउन अनुरोध गर्दछु । म विकासको भिजन सहित तपाईसामु आएको छु । मलाई तपाईहरुको साथ चाहिन्छ ।
= मैले थासाङ गाउँपालिकाको समग्र विकासको निम्ति स्पष्ट खाका सहित उपस्थित भएकोछु । र ५ वर्षमा गाउँपालिकामा गर्न सक्ने र दीर्घकालिन विकासका योजनाहरु निर्माण गर्नेछु ।
= थासाङ गाउँपालिकाका प्रत्येक वडामा चक्रपथको अवधारणा अनुसार सडक संजालको विस्तार गरी यातायातको पहुँच पु¥याउनेछु । र थासाङमा वस पार्क निर्माण गर्नेछु । 
= थासाङमा भएका पर्यटकीय स्थलको पहिचान र विकास गरी उल्लेख्य मात्रामा पर्यटक भित्राउने लक्ष्य अनुरुप कार्यक्रम संचालन गर्नेछु । संचार तथा इन्टरनेटको प्रत्येक वडामा पहुँच पु¥याउनेछु ।
= थासाङमा शिक्षा र स्वास्थ्यको सुनिश्चितता गर्न सुविधा सम्पन्न अस्पताल निर्माण र बहुप्राविधिक कलेजको स्थापना गर्नेछु । थासाङवासीलाई १२ कक्षा सम्म अनिवार्य शिक्षाको व्यवस्था गर्नेछु ।
= यस गाउँपालिकाका जनता बेरोजगार बस्न नपरोस यसका लागि एकघर एक रोजगार व्यवस्था गर्दै विदेशीयका थासाङवासीलाई स्वदेशमै रोजगार र व्यवसायमा लगानी गर्ने वातावरण सृजना गर्नेछु ।
= समाजमा पछाडि परेका दलित, महिला, विपन्न वर्गको जिविकोपार्जनमा सुधार गर्दै स्तरोन्नती गर्न विशेष कार्यक्रमहरु संचालन गर्नेछु ।
= यस गाउँपालिकामा स्वदेशी तथा विदेशी लगानीकर्ताहरुलाई लगानीको     वातावरण मिलाई उद्योगहरु संचालन गरी प्रशस्त रोजगारीको सृजना गर्नेछु र यसलाई व्यवस्थित गर्न औधोगिक ग्राम बनाउनेछु ।
= कृषि तथा पशुपालनलाई आधुनिकीकरण गर्दै अयात घटाई निर्यात बढाउने छु । र वनपैदावारलाई जोगाउने र यसबाट प्रशस्त कच्चा पदार्थको उत्पादन गरी थासाङलाई आर्थिक समृद्धि तर्फ अगाडी बढाउनेछु । 
= लोडसेडिङमुक्त थासाङ बनाउने छु । र कालीगण्डकीमा रहेको गिटी बालुवालाई कानुन सम्मत उत्खनन    गरी निर्यात गर्नेछु । 

 चुनाव जित्नु भो भने यी एजेण्डाहरुलाई कसरी कार्यान्वयन गर्नुहुन्छ ?
    यी विकासका एजेण्डाहरुलाई कार्यान्वयन गर्न कुनै गाह्रो छैन् । जनताले साथ दिनु पर्छ म गर्छु । सर्वप्रथम सम्बन्धीत विषयका विज्ञहरुको समुह बनाई योजना तथा निति निर्माण गर्छु । र यी एजेण्डाहरुलाई जनताको हित अनुकूल विस्तारै कार्यान्वयन गर्दै जान्छु । जसबाट जनताले विकासको महशुस गर्न सकुन । अबको ५ वर्षमा थासाङ समृद्ध गाउँपालिकाको रुपमा आगाडी बढीरहेको हुनेछ ।  

 अन्तमा केही भन्नु छ कि ?
जनताले पाएको संबैधानिक अधिकारलाई नेपाली जनताले स्थानीय तहको निर्बाचनमा आफ्नो अमूल्य मत ब्यक्त गरी आफ्ना प्रतिनीधिहरु मार्फत प्रत्यक्ष रुपमा अभ्यास गर्दैछन् । यस निर्वाचनमा कुनैपनि प्रलोभनमा नपरी देश र जनताको लागि काम गर्ने पार्टी नेकपा एमाले र मेरो उम्मेवारीलाई विजयी गराउनको लागि सुर्य चिन्हमा मतदान गर्नुहुन सम्पूर्ण थासाङवासी जनसमुदायलाई अनुरोध गर्दछु ।
धन्यवाद ।