सहायक प्रजिअ खड्काको मन्त्रालयमा सरुवा

मुस्ताङ साप्ताहिक संवाददाता

मुस्ताङ, २०७४ कार्तिक १८ । जिल्ला प्रशासन कार्यालय मुस्ताङका सहायक प्रमुख जिल्ला अधिकारी लक्ष्मण बहादुर खडकाको गृह मन्त्रालयमा सरुवा भएको छ । खडकाले विगत १३ महिना देखि मुस्ताङ जिल्लाको सहायक प्रजिअ को भूमिका निर्वाह गर्दै आएका थिए । 

कुशल प्रशासकको रुपमा परिचित खडका जिल्लामा सुशासन कायम गर्न महत्वपूर्ण भूमिका खेलेका थिए । आफ्नो पेशा प्रति जिम्मेवार र कर्तव्यनिष्ठ खडकाले जिल्लामा रहँदा सबै पक्षसंग सुमधुर सम्बन्ध कायम गरे । 

जिल्लामा कुनै पनि अनियमितता हुन नदिन पहलरत खडकाले उपभोत्ताको अधिकार संरक्षण तथा उपभोत्ताहित र कालोबजारी नियन्त्रणका लागि बजार अनुगमनलाई निरन्तरता दिए । 

जनताको सेवा प्रति निष्ठावान शालिन स्वभावका उनी जिल्लामा भएका विकृति विसंगति हटाउन सक्रिय देखिए ।