मोडलिङ क्षेत्रमा चम्किदै मुस्ताङकी हिरा

मोडेल हिरा गुरुङ

केशव वि.क.

जोमसोम । हिमालको एउटा प्रतिभा अहिले नेपाली सँगीतको बजारमा उदाईरहेको छ । हिमालको पानीले निखारीएको त्यो प्रतिभा यतिखेर नेपाली मोडलिङको क्षेत्रमा नमुनाको रुपमा प्रस्तुत भएको छ । हिमाली जिल्ला मुस्ताङमा जन्मिए हुर्केकी मुस्ताङे चेली हिरा गुरुङ नेपाली मोडलिङको क्षेत्रमा जम्दै गएकी हुन् । 

   सुन्दर जिउडाल अनि उत्तिकै प्रतिभावान जोमसोमकी हिरा साच्चिकै हिराको रुपमा मोडलिङमा चम्केकी छिन् । जुनसुकै म्यूजिक भिडियोमा पनि फिट खाने उनको अभिनयकलाले संगितको बजारमा राज गरिरहेको छ । 

सयौँ मोडल भएको नेपाली मोडलिङको क्षेत्रमा हिराको चर्चा भने जताततै छाइरहेको छ । छोटो समयमै दर्शकको मन जित्न सफल उनी यतिखेर मोडलिङमा सुनौलो ताराको रुपमा प्रस्तुत भैरहेकी छिन् ।

  प्रदेशी दिदी, जीन्दगीको साथी, धौलागिरीको काखैमा लगायतका आधा दर्जन बढि म्यूजिक भिडियोमा अभिनय गरेपछि उनको चर्चा एकाएक चुलिएको हो । मोडलिङमा अघि सरेको उनको पाइलाको अहिले सर्वत्र प्रशंसा हुन् थालेको छ । 

   सानैदेखि अभिनयमा रुचि भएकी हिरा अभिनयकला लाई निखार्दै आफु मोडलिङकै क्षेत्रमा जम्ने सोँचमा छिन् । 

     उत्कृष्ट अभिनय प्रस्तुत गर्न सक्ने उनले म्यूजिक भिडियोको लागि अफर आईरहेको बताईन् । उनले भनिन् । यो मेरो रुचिको विषय पनि हो, मोडलिङको क्षेत्रमा प्रवेश गरेकी छु । नेपाली मोडलिङको क्षेत्रलाई केही उचाई सम्म पु¥याउन मेरो योगदान रहनेछ । दर्शकहरुको पनि सकारात्मक प्रतिक्रिया पाएकी छु ।   

   म्यूजिक भिडियोमा आफ्ना कला प्रस्तुत गरीरहेकी हिरा एक व्यवसायी पनि हुन् । उनले मुस्ताङको सदरमुकाम जोमसोम एयरपोर्टमा होटल माउण्टेन भ्यू संचालन गरेकी छिन् ।  

म्यूजिक भिडियोहरु