शिक्षकलाई साथी दौतरी शिक्षा प्रशिक्षण दिईने

मुस्ताङ । मुस्ताङका बिद्यालयमा कार्यरत शिक्षकलाई साथी दौतरी शिक्षा प्रशिक्षक प्रशिक्षण दिइने भएको छ । 

जिल्ला स्वास्थ्य प्रमुख भोजराज गौतमको अध्यक्षतामा सामाजिक परिक्षण समिति तथा जनसंख्या समन्वय समितिको सोमवार बसेको संयुक्त बैठकले जिल्ला भित्र आयोजना गरिने आगामी कार्ययोजना प्रस्तुत गर्दै उक्त निर्णय गरेको हो । 

बिद्यार्थीलाई डिप्रेशनको शिकार हुँनबाट रोक्न साथी दौतरी शिक्षा प्रशिक्षक प्रशिक्षण गरिने भएको हो । बैठकले जनसंख्या महाशाखाबाट उपलब्ध बजेट जिल्ला स्वास्थ्य कार्यालयले निर्धारण गरिएका कार्यक्रममा बिनियोजन गर्ने निर्णय गरेको छ । 

जनशान्ति मा.बि. कागबेनी, जनहित मा.बि. जोमसोम, धौलागिरी आवासिय मा.बि.जोमसोम, जनवाल मा.बि. मार्फा, योगेन्द्र मा.बि. टुकुचे, ज्ञानोदय मा.बि. लेते, र जनआदर्श मा.बि. कोवाङमा अध्यपनरत शिक्षकलाई साथी दौतारी शिक्षा दिईने भएको हो । 

साथी दौतरी शिक्षा प्रशिक्षक परिक्षण कार्यक्रम पश्चात प्रशिक्षण लिएका शिक्षकलाई दौतरी शिक्षा कक्षा संञ्चालनका लागि आवश्यक सहयोग जिल्ला स्वास्थ्य कार्यालयले गर्ने बताइएको छ । 

त्यसैगरी साविकको १६ गाविसका स्वास्थ चौकीहरुले संक्षिप्त सामाजिक परिक्षण अभियान कार्यक्रम संञ्चालन गर्ने कार्यालयले जनाएको छ । 

प्रधान न्यायाधीश सुशिला कार्की मुस्ताङमा

केशव बि.क.

मुस्ताङ । सर्वाेच्च अदालतका प्रधान न्यायाधीश सुशिला कार्की सोमबार मुस्ताङ आएकी छन् । नेपाली सेनाको हेलिकप्टरबाट आज बिहान ९ः४३ बजे कार्की मुस्ताङ आएकी हुन् । 

मुक्तिनाथ मन्दिर दर्शनका लागि कार्की मुस्ताङ आएको श्रोतले बताएको छ । सर्वाेच्चका ३ जना सहयोगी कर्मचारी सहित व्यक्तिगत यवं पारिवारिक भ्रमणका लागि कार्की मुस्ताङ आएकी हुन् ।

दिपायलबाट सिधै मुस्ताङ आएकी कार्की मुक्तिनाथ मन्दिरको दर्शन पश्चात पोखरा हुँदै काठमाण्डौँ जाने कार्यक्रम रहेको छ । 

प्रजिअ पोखरेलको मन्त्रालय सरुवा तिवारी मुस्ताङ आउँदै

केशव बि.क.

मुस्ताङ । मुस्ताङका प्रमुख जिल्ला अधिकारी भीमराम पोखरेलको गृह मन्त्रालयमा सरुवा भएको छ । विगत ९ महिना देखि मुस्ताङ जिल्लाको प्रमुख जिल्ला अधिकारीको रुपमा कार्यभार सम्हाल्दै आएका पोखरेलको मन्त्रालयमा सरुवा भएको हो ।

पोखरेल २०७३ आसोज १८ गते देखि मुस्ताङ जिल्लाको कार्यभार सम्हालेका थिए । पेशाप्रति जिम्मेवार, कर्तव्य निष्ठ तथा शालिन स्वभावका पोखरेल जिल्लामा रहँदा सबै पक्षसंग सुमधुर तथा तटस्थ भूमिका निर्वाह गर्दै आएका थिए ।

जिल्लामा रहेका विकृति विसंगति हटाउनको लागि पहलरत प्रजिअ पोखरेल जिल्लामा रहँदा सुशासन कायम गर्दै अनियमितताको विपक्षमा रहि कुशल प्रशासकको भूमिका निर्वाह गरे । पोखरेल जिल्लामा भयरहित शान्त मर्यादित वातावरणमा पहिलो चरणको स्थानिय तहको निर्वाचन सम्पन्न गर्न सफल भए ।

मुक्तिनाथको विकास गुरुयोजनालाई निरन्तरता दिन उनी सदैव लागिरहे । जिल्लाका ग्रामिण क्षेत्रका जनतामाझ प्रशासनको पहुँच पु¥याउन बेलाबेलामा घुम्ती शिविर संचालन गरे । उपभोत्ताको अधिकार सुनिश्चित गर्दै अवैध मदिरा नियन्त्रण तथा कालोबजारीलाई रोक्न समयसमयमा बजार अनुगमन गरिरहे ।

तत्कालिन प्रमुख जिल्ला अधिकारी गणेश बहादुर अधिकारीले जिल्लामा भएको यातायात सिण्डिकेटलाई तोड्न सफल भएका थिए । अधिकारीले गरेको सो कार्यलाई पोखरेलले निरन्तरता दिई रहे । जिल्लामा शान्ति सुरक्षा कायम
गर्न प्रजिअ पोखरेल सफल भए ।

प्रजिअ पोखरेलको गृह मन्त्रालयमा सरुवा भएसंगै मन्त्रालयबाट मुस्ताङको प्रमुख जिल्ला अधिकारीको रुपमा रामचन्द्र तिवारी मुस्ताङ आउँदै छन् । 

प्रजिअ पोखरेलको बिदाई 

         कर्मचारी मिलन केन्द्र मुस्ताङले आइतबार एक समारोहको आयोजना गरी प्रजिअ भीमराज पोखरेललाई बिदाई गरेको छ । जिल्ला स्थित सरकारी कार्यालयका प्रमुख, सुरक्षा निकायका प्रमुख लगायतको उपस्थितिमा प्रजिअ पोखरेललाई विदाई गरिएको हो ।

सो अवसरमा कर्मचारी मिलन केन्द्रले प्रजिअ पोखरेललाई मायाको चिनो प्रदान गरेको थियो । खादा लगाई सम्मान गर्दै पुष्प गुच्छाले पोखरेलको विदाई गरिएको थियो ।  

मुस्ताङका कृषकलाई ७ लाख बराबरको सामाग्री वितरण

केशव बि.क.

मुस्ताङ । जलवायु प्रकोप समुत्थान निर्माण आयोजना कृषि व्यवस्थापन सूचना प्रणाली नेपाल सरकार कृषि विकास मन्त्रालयले मुस्ताङका कृषकलाई करिब ७ लाख  बराबरको सामाग्री÷उपकरण वितरण गरेको छ । 

२० थान सामसुङ जेफाईब मोवाईल र जिएसएम सिमकार्ड, २० थान रेनगेज, २० थान थर्माेमिटर गरी करिब ७ लाख बराबरको सामाग्री वितरण ग

रेको नेपाल सरकार कृषि विकास मन्त्रालयका कृषि मौसम विज्ञ समि कुवँरले जनाकारी दिए ।

माटो, पानी र मौसमको पूर्व जानकारीको समुचित प्रयोगले प्रतिकूल मौसमका असरहरु न्यूनिकरण गर्नका साथै उपयुक्त मौसमबाट फाईदा लिनुपर्ने अहिलेको आवश्यकता भएको भन्दै कृषकहरुलाई सो सामाग्री वितरण गरिएको हो । 

कृषकले मोबाइलको प्रयोगबाट आयोजनाले सुरुवात गरेको ‘हाम्रो कषि’ मोबाइल एप्लिकेसन डाउनलोड गरी किसानले मौसम सम्बन्धी जानकारी, कषि, प्रविधि, जिल्ला कृषि तथा पशुसेवा कार्यालयका सम्पर्क नम्बरहरु, कृषि तथा पशु बीमा अभिकर्ता सम्बन्धी जानकारी लगायतका अन्य जानकारी प्राप्त गर्न सकिने बताइएको छ ।    

कृषि तर्फका १२ जना कृषक र पशुसेवा तर्फका ८ जना गरी २० जना कृषकलाई सो सामाग्री वितरण गरिएको हो । आयोजनाले वितरण गरेको सामाग्रीले आफुलाई पेशा प्रति थप उत्प्रेरणा जागेको जोमसोमका कृषक राजेन्द्र शेरचनले बताए । 

जोमसोममा जुवातासमा संलग्न ९ जना रंगेहात समातिए

केशव वि.क.

मुस्ताङ । मुस्ताङको सदरमुकाम जोमसोममा जुवातास खेलिरहेको अवस्थामा ९ जना रंगेहात समातिएका छन् । विशेष सुराकीको आधारमा प्रहरी नायव निरिक्षक मित्र बहादुर आचार्य नेतृत्वको टोलीले शनिवार उनीहरुलाई रंगेहात पक्राउ गरेको हो । 

पुथाङ एयरपोर्ट स्थित एक होटलमा जुवातास खेलिरहेको अवस्थामा पुस्त थकाली, रत्न कुमार शेरचन, अशोक थकाली, तुलप्रसाद गौचन, सुवास शेरचन, विशन गौचन, उदय पुर्जा, प्रमिश गौचन, र महेन्द्र थकाली पक्राउ गरिएको प्रहरी नायव उपरिक्षक हरिहरनाथ योगीले जानकारी दिए ।  त्यसैगरी होटल संचालक बम प्रसाद गौचनलाई समेतलाई नियन्त्रण लिई अनुसन्धान अगाडी बढाइएको बताईएको छ ।  

जुवामा संलग्न सो टोलीलाई आज म्याद थप गरि बयान लिई अदालतमा पेश गरिने जिल्ला प्रहरी कार्यालय मुस्ताङले जनाएको छ । प्रहरीले जुवास्थल बाट २ लाख ५१ हजार रुपैयाँ बरामद गरेको छ । जुवातास खेलिरहेको जनगुनासो बढेपछि प्रहरीले निगरानी बढाएको थियो ।

प्रहरीको सचेतना ¥याली  

जिल्ला प्रहरी कार्यालय मुस्ताङ र सामुदायिक प्रहरी सेवा केन्द्र मुस्ताङले आईतबार विहान जोमसोममा सचेतना ¥याली निकालेको छ । विकृति विसंगति विरुद्ध सचेत गराउन सो ¥यालीको आयोजना गरीएको हो । 

समाजबाट जुवातास र अवैद्ध मदिरा लगायतका विकृतिलाई हटाउनुपर्ने भन्दै प्रहरीले सो कार्यमा कोही संलग्न भएको पाईएमा तुरुन्त प्रहरीलाई खबर गर्न आग्रह गरेको छ । 

पैञ्युमा निशुल्क स्वास्थ्य शिविर सम्पन्न,

एनआरएन हङकङलाई नागरिक सम्मान

बागलुङ । बागलुङ जिल्ला जैमुनि नगरपालिका वडा नं. ९ पैयँुमा महिलाहरुको पाठेघर खस्ने सम्बन्धि दुई दिने निशुल्क स्वास्थ्य शिविर गत जेष्ठ १५ र १६ गते सम्पन्न भएको  छ । शिविरमा जैमुनि नगरपालिका र बरेङ गाउँपालिका अन्र्तगतका ४३६ जना महिलाहरुले स्वास्थ्य जाँच गराएका थिए । 

एनआरएन हङकङको आर्थिक तथा प्राविधिक सहयोग, जिल्ला जनस्वास्थ्य कार्यालय र पैयँु स्वास्थ्य  चौकीको समन्वयमा उक्त शिविर संचालन गरिएको हो । 

शिविरमा स्वास्थ्य जाँचका क्रममा २० जना महिलाहरुलाई रिङ प्रेसरी राख्ने तथा १२ जना अप्रेशन गर्नुपर्ने विरामी भेटिएका छन् । अप्रेसन गर्नुपर्ने विरामीहरुको खर्च एनआरएन हङकङले नै जिम्मा लिने बताईएको छ ।

आफुले लुकाएर राखेको रोगलाई निशुल्क उपचार गर्न पाउदा अत्यत्नै खुसी लागेको पिडीत महिलाहरुले बताएका छन् । 

शिविरको उद्घाटन समारोहमा बोल्दै जैमुनी नगरपालिकाका नबनिर्वाचित नगर प्रमुख ईन्द्र राज पौडेलले एनआरएन हङकङले गरेको मानविय कार्यको प्रशंसा गर्दै महिलाहरुको स्वास्थ्यमा पु¥याएको योगदानले समाजलाई समेत स्वस्थ भएर बाच्न प्रेरणा मिल्ने कुरामा जोड दिए । 

त्यसैगरी एनआरएन हङकङका अध्यक्ष ललित लिम्बुले सबैको सहयोगमा दुर्गम ठाँऊमा रहेका महिलाहरुलाई स्वस्थ राख्न शिविर संचालन गरेको र आगामी दिनमा स्थानिय विपन्न समुदाय सँग जोडीएर लाभदायक गतिविधिहरु प्राथमिकताका साथ अगाडी बढाउने प्रतिवद्धता व्यक्त गरे । 

कार्यक्रममा नबनिर्वाचित वडा अध्यक्ष भगिन्द्र थापा मगरले आफु सम्पुर्ण पैञ्युवासीको साझा जनप्रतिनिधि हुनाका नाताले आउदा दिनहरुमा विशेष गरि महिला तथा बालबालिकाहरुको स्वास्थ्य तथा शिक्षामा आवधिक योजना निमार्ण गरि सबै समुदायलाई अगाडी बढाउने बताए । 

कार्यक्रम अवधिमा महिला तथा किशोरीहरुलाई महिनावारी तथा पाठेघर खस्ने रोग र यस सँग जोडीएको सामाजिक विभेद सम्बन्धि अभिमुखिकरण समेत संचालन गरिएको थियो । अभिमुकरण कार्यक्रमलाई स्थानिय स्वास्थ्य चौकीका प्रमुख कुश्मराज सुबेदी, कार्यक्रम सँयोजक टिका राना तथा सहजकर्ता बुद्धिबल थापा मगरले सहजीकरण गरेका थिए । 

सो अवसरमा आगामी दिनहरुमा पनि यस्ता मानविय कार्यक्रमहरुलाई निरन्तरता प्रदान गर्ने अपेक्षा सहित स्थानिय नागरिकहरुले एनआरएन हङकङ, स्थानिय स्वास्थ्य कार्यकर्ता तथा स्वयं सेवकहरुलाई नागरिक अभिनन्दन समेत गरेका थिए ।  

कार्यक्रम वडा सचिव दलबहादुर थापाको अध्यक्षता र कार्यक्रमका संयोजक टिका रानाको संचालनमा सम्पन्न भएको थियो ।  

मुस्ताङमा १७ औँ विश्व दुध दिवस

मुस्ताङ साप्ताहिक संवाददाता

मुस्ताङ, १८ जेष्ठ । मुस्ताङमा बिहिवार एक समारोहका विच १७ औँ विश्व दुध दिवस मनाईएको छ । जिल्ला पशुसेवा कार्यालय मुस्ताङको आयोजनामा जोमसोममा किसान विच अन्तरक्रिया गर्दै दुध दिवस मनाईएको हो ।

सर्वाेत्तम आहाराको रुपमा लिईने दुधको उत्पादन र प्रयोगलाई बढवा दिनको लागि सन् २००१ अप्रिल १ देखि विश्व दुध दिवस मनाउन थालिएको हो ।

प्रतिव्यक्ति प्रतिवर्ष ९१ लिटर दुधको आवश्यकता पर्ने भएतापनि मुस्ताङमा यसको ४८ प्रतिशत मात्र आपूर्ति हुने गरेको जिल्ला पशुसेवा कार्यालयले जनाएको छ ।

जिल्लामा दुधको मागलाई परिपूर्ति गर्नको लागि दुध उत्पादनमा किसानलाई प्रोत्साहन गर्दै विभिन्न कार्यक्रम संचालन गरेको पशु चिकित्सक होम बहादुर बस्नेतले बताए ।

सो अवसरमा पशु चिकित्सक बस्नेतले दुध उत्पादन, सुद्धता, पशुपालन गोठ व्यवस्थापन लगायतका विषयमा सहजीकरण गरेका थिए । कार्यक्रममा हिमाली आयोजना जिल्ला अनुगमन संयोजक गोकर्ण देवकोटा, स्याङ डेरीका व्यवस्थापक शिव थकालीले मन्तव्य व्यक्त गरेका थिए ।

निमित्त पशु विकास अधिकृत होमबहादुर बस्नेतको अध्यक्षतामा भएको कार्यक्रमको संचालन पशु स्वास्थ्य प्राविधिक अनिल कुमार महतो र स्वागत हिमाली आयोजना कृषि विज्ञ तीर्थराज ढकालले गरेका थिए ।

मुस्ताङमा गाउँ कार्यपालिका सदस्यको टुङ्गो लाग्यो

केशव वि.क

मुस्ताङ । मुस्ताङका पाँच गाउँपालिकाको गाउँकार्यपालिका सदस्यहरुको टुङ्गो लागेको छ । चार गाउँपालिकामा निर्विरोध र एक गाउँपालिकामा निर्वाचन प्रक्रिया मार्फत गाउँ कार्यपालिका सदस्यहरुको टुङ्गो लागेको हो । 

जिल्लाको सदमुकामको गाउँपालिका घरपझोङको गाउँ कार्यपालिकाको महिला सदस्य र दलित अल्पसङ्ख्यक सदस्यको लागि निर्वाचन भएको थियो । लोमान्थाङ, दालोमे, बाह्रगाउँ मुक्तिक्षेत्र र थासाङ गाउँपालिकामा गाउँ कार्यपालिका सदस्यहरु निर्विरोध चयन भएका थिए । 

घरपझोङ गाउँ कार्यपालिकामा २७ मत मध्ये महिला सदस्यमा २५ मत प्राप्त गरी माओवादी केन्द्रका जैकला विक, १८ मत प्राप्त गर्दै राप्रपाका कल्पना हिराचन र १७÷१७ मत प्राप्त गरी काँग्रेसका फूलकुमारी विक र स्वतन्त्र उम्मेदवार माया नेपाली विजयी भएका छन् । त्यस्तै दलित अल्पसंख्यक सदस्यमा २० मत प्राप्त गरी काँग्रेसका राजु लालचन र १८ मत प्राप्त गरी काँग्रेसकै राजेन्द्र शेरचन विजयी भएका छन् ।

लोमान्थाङ गाउँपालिकामा गाउँ कार्यपालिकाको लागि महिला सदस्यमा छिरिङ युटिन गुरुङ, याङजिङ ल्हामो गुरुङ, पेमा युटिन गुरुङ र कर्चुङ विष्ट रहेका छन् । दलित वा अल्पसङ्ख्यक सदस्यमा टसी फेन्जोक लोवा रहेका छन् । दलित अल्पसङ्ख्यक सदस्यको लागि अर्काे एक जनाको उम्मेदवारी परेको छैन् । 

दालोमे गाउँ कार्यपालिकाको लागि महिला सदस्यमा छिरिङ ल्हामो गुरुङ, छेपे पासाङ गुरुङ, धम्च्ये गुरुङ र पेमा डोका गुरुङ चयन भएका छन् । दलित वा अल्पसङ्ख्यक सदस्यमा कृष्णप्रसाद विक र पेमा छेतेन विक रहेका छन् । 

बाह्रगाउँ मुक्तिक्षेत्र गाउँ कार्यपालिकाको लागि महिला सदस्यमा साङमो छिरिङ गुरुङ, लक्ष्मी कुमारी गुरुङ, देवी गुरुङ र फूलकुमारी विक रहेका छन् । दलित वा अल्पसङ्ख्यक सदस्यमा छिरिङ आङग्याल गुरुङ र फूलमाया विक चयन भएका छन् ।
थासाङ गाउँ कार्यपालिकामा महिला सदस्यमा इन्द्रकुमारी नेपाली, सुदा परियार, पूर्णकुमारी गौचन र विमला तुलाचन चयन भएका छन् । त्यस्तै दलित वा अल्पसङ्ख्यक सदस्यमा नविन शेरचन र नरेन्द्र शेरचन रहेका छन् । 

गाउँ कार्यपालिकामा गाउँपालिकाका अध्यक्ष, उपाध्यक्ष र प्रत्येक वडाका वडा अध्यक्षहरु स्वत रहने व्यवस्था रहेको छ ।

निर्वाचित सदस्यहरुलाई पद तथा गोपनियताको सपथ ग्रहण गराईसकेको मुख्य निर्वाचन अधिकृत यवं जिल्ला न्यायाधीस बलराम त्रीपाठीले बताए ।