मुस्ताङ, २८ असार
जिल्ला अदालत मुस्ताङमा आगामी साउन एक गते देखि बाल इजालस सुरु हुने भएको छ ।
नेपालभर ६४ वटा अर्थात ६४ जिल्लामा बाल इजालस गठन भैसकेको र हाल मुस्ताङमा पनि बाल इजालस गठन गर्ने तयारी भैरहेको न्यायधीश शर्माले बताए ।
बाल इजालसको लागि एक बालमैत्री कक्ष र एक बाल इजालस कक्ष को व्यवस्था गरिएको अदालतले जनाएको छ ।
बाल न्यायका लागि एक जना बैतनिक वकील व्यवस्था गरिएको र न्यायधीशको अतिरिक्त बाल मनोवैज्ञानिक र समाजसेवी संगै रहि निर्णय (फैसला) गर्ने कानूनी व्यवस्था रहेको न्यायधीश शर्माको भनाइ छ ।
१६ वर्ष मुनिका बालबालिकाले कुनै अपराध नगर्ने बाल बिज्याँई गर्ने र १० वर्ष मुनिका बालबालिकाले कुनै गल्ती गरेतापनि आम माफी हुने कानूनी व्यवस्था रहेको छ । साथै बालबालिकालाई बिज्याँई गर्न लगाउनेलाई कसुर गरे सरह कानूनी कारबाही हुने व्यवस्था रहेको बताइएको छ ।
बालबालिकाले गरेका बिज्याँईको गोपनियता हुनुपर्ने र बालबालिकालाई पक्राउ गर्दा हतकडी प्रयोग गर्न नहुने र बर्दि बिनाको प्रहरीले गर्नुपर्ने कानूनमा व्यवस्था रहेको छ ।
फौजदारी न्यायमा दोषी र निर्दाेष छुट्याई कारबाहीका लागि जेल तथा हिरासतमा पठाउने व्यवस्था भएको र बाल न्यायमा बालबालिका अनुकुल अभिभावक तथा बाल सुधार गृहमा पठाउने कानुनी व्यवस्था रहेको जनाईएको छ ।
No comments:
Post a Comment