मुस्ताङमा मत गणना सुरु

केशव विक
मुस्नाङ । गत मंसिर १० गते सम्पन्न पहिलो चरणको प्रतिनिधिसभा तथा प्रदेशसभाको निर्वाचनको मतगणना मंसिर २१ गते बिहिबार साँभदेखि जिल्ला समन्वय समितिको कार्यालय जोमसोममा सुरु भएको छ ।
प्रतिनिधिसभाको लागि एक निर्वाचन क्षेत्र र प्रदेशसभाको लागि दुई निर्वाचन क्षेत्र रहेको हिमाली जिल्ला मुस्ताङमा भएका कुल मतदाता ९ हजार ४ सय २७ मध्ये ६ हजार ७ सय   ७३ मत खसेको थियो ।
प्रदेश क मा १८ सय ३६ र प्रदेश ख मा ४९ सय ३७ मत खसेको थियो । प्रतिनिधिसभा तर्फ नेपाली काँग्रेसका रोमी गौचन थकाली र बाम गठबन्धनबाट प्रेम प्रसाद तुलाचनले प्रतिस्पर्धा गरेका छन ।
त्यसैगरी प्रदेश क मा बाम गठबन्धनबाट इन्द्रधारा विष्ट र कांग्रेसबाट मिक्युर गुरुङ चुनावी मैदानमा थिए । त्यस्तै प्रदेश ख को लागि बाम गठबन्धनबाट महेन्द्र बहादुर थकाली, कांग्रेसबाट छिरिङ धावा गुरुङ र राप्रपा बाट प्रविन शेरचनले प्रतिस्पर्धा गरेका थिए ।