मुस्ताङ साप्ताहिक संवाददाता
मुस्ताङ । प्रदेश नं. ४ मुस्ताङ जिल्लाको थासाङ गाउँपालिकाको चैत्र १८ गते शुत्रबार एक समारोहका बिच कार्यकारी अधिकृतलाई स्वागत÷पदस्थापन तथा कार्यालयको उद्घाटन गरीएको छ । थासाङ गाउँपालिकाको कार्यालय साविकको कोवाङ गाविसको कार्यालय कोवाङमा कार्यलयमा वोर्ड राखिएको हो । कार्यालयको उदघाटन गर्दै प्रमुख जिल्ला अधिकारी भीमराज पोखरेलले अहिलेको गाउँपालिका सम्पूर्ण अधिकार प्राप्त भएको शक्तिशाली भएकाले यसको सदुपयोग गर्नुपर्ने बताए । सयिन विकास अधिकारी बन्धु प्रसाद बास्तोलाले गाउँपालिकाको विकासमा कर्मचारीलाई सहयोग गर्दै अगाडी बढाउनु पर्नेमा जोड दिए ।
त्यसैगरी थासाङ गाउँपालिकाका कार्यकारी अधिकृत विनोद पौडेलले कार्यकारी अधिकृतको हैसियतले गर्नुपर्ने जिम्मेवारी निर्वाह गर्न आफु प्रतिबद्ध रहेको भन्दै स्थानियको सहयोगको अपेक्षा गरे । समाजसेवी ज्वार भट्टचनले गाउँपालिकाको केन्द्र थकालीको उद्गम स्थल कोवाङमा हुँदा सयिन खुःशी भएको बताउँदै विकासका लागि स्थानिय सँधै तत्पर रहने बताए ।
सो अवसरमा विविध साँस्कृतिक कार्यक्रमको अयोजना गरीएको थियो । कार्यक्रम स्थानिय विकास अधिकारी बन्धु प्रसाद बास्तोलाको अध्यक्षता र थासाङ गाउँपालिका वडा नं. ५ का वडासचिव यमनारायण पनेरुको स्वागत र साविक टुकुचे गाविसका गाविस सचिव अमृता पुनको संचालनमा सम्पन्न भएको थियो ।
No comments:
Post a Comment