मुस्ताङबाट १७२ जनाले एसएलसी दिदैँ

    केशव बि.क.
मुस्ताङ, चैत्र ३ । देशभर संचालन भैरहेको २०७३ सालको प्रवेशिका परिक्षा (एसएलसी) मा प्रदेश नं. ४ को हिमाली जिल्ला मुस्ताङबाट १७२ जना विद्यार्थी सम्मेलित हुँदै छन् । जिल्लाको एकमात्र परिक्षा केन्द्र जनहित उच्च माध्यामिक विद्यालय जोमसोममा जिल्लामा रहेका ८ वटा माध्यामिक विद्यालय र एक वटा खुल्ला विद्यालयका परिक्षार्थी परिक्षामा सामेल हुन लागेको जिल्ला शिक्षा अधिकारी युवराज बगालेले जानकारी दिए ।
धौलागिरी बोर्डिङ स्कुल जोमसोमबाट ३१ जना, जनशान्ती मावि कागबेनीबाट ७ जना, जनहित उमावि जोमसोमबाट ४१ जना, योगेन्द्र उमावि टुकुचेबाट १९ जना, ज्ञानोदय मावि लेतेबाट १६ जना, जनबाल मावि मार्फाबाट १२ जना, जनआर्दश मावि कोवाङबाट १८ जना, दिव्यदिप मावि छोसेरबाट ७ जना, जनहित उमावि जोमसोम खुल्ला विद्यालयबाट २१ जना गरी १७२ जना विद्यार्थी परिक्षामा सामेल हुन लागेको जिल्ला शिक्षा कार्यालयले जनाएको छ ।
मुस्ताङमा अहिले सम्मकै सबैभन्दा धेरै विद्यार्थी एसएलसी परिक्षामा सामेल हुने भएका छन् । परिक्षा विहान ८ बजे देखि संचालन हुनेछ । प्राविधिक तर्फको परिक्षा चैत्र १४ गते सम्म र अन्य विषयको परिक्षा चैत्र ११ गते सम्म संचालन हुने बताइएको छ ।