कोरलानाका खोल्न उपयुक्त छः उपप्रधान तथा रक्षामन्त्री भीम रावल !

केशव विश्वकर्मा
मुस्ताङ
उत्तरी छिमेकी राष्ट्र चीनसँगको कोरला नाकाबारे अध्ययन गर्न बिहिवार मुस्ताङ आएको तीन उपप्रधानमन्त्री, अर्थ राज्यमन्त्री र पूर्वप्रधानमन्त्रीसहितको टोली काठमाण्डौ फर्किएको छ ।
उपप्रधान तथा भौतिक योजना मन्त्री विजयकुमार गच्छदार, उपप्रधान तथा रक्षा मन्त्री भीम रावल र उपप्रधान तथा उर्जामन्त्री टोपबहादुर रायमाझीका साथै पूर्वप्रधानमन्त्री माधवकुमार नेपाल लगायत १६ जनाकोे टोली विहीबार कोरला नाकाको सम्भाव्यता अध्ययन गर्न नेपाली सेनाको हेलिकोप्टर चढेर मुस्ताङ आएका हुन् ।
मुस्ताङ भ्रमण टोलीमा अर्थ राज्यमन्त्री दामोदर भण्डारी, महानिर्देशक माधव कुमार कार्की सडक विभाग, मुस्ताङ जिल्लाका सांसदहरु रोमी गौचन, महेन्द्र शेरचन, श्रीमाया थकाली र प्रमुख जिल्ला अधिकारी गणेश बहादुर अधिकारी समेत सहभागी थिए ।
नाका अवलोकालन पश्चात नाकाको भौगोलिक अवस्था ठीक रहेको र व्यवस्थित गरेर यथाशिघ्र नाका संचालन गर्नुपर्ने अध्ययन टोलीको भनाइ छ ।
कोरला नाकाको अवलोकन पछि संचारकर्मी संग कुरा गर्दै उपप्रधान तथा रक्षामन्त्री भीम रावले नेपाल सरकारले कोरलानाका संचालनलाई गम्भिर रुपमा हेरेका र सडक निर्माणको कामलाई यथाशिघ्र अगाडी बढाउने बताए । उपप्रधान तथा रक्षा मन्त्री रावलले कोरला नाका खोल्नको लागि चीन सरकार संग उपयुक्त तहमा छलफल गरेर छिटो भन्दा छिटो नाका संचालनमा ल्याए व्यवसायिक तथा अन्य हिसाबले राम्रो हुने कुरा उल्लेख गरे ।

तस्वीर ः नेपाली सेना

उनले भने सीमाको निरिक्षण गर्दा कोरला नाका संचालन गर्न सकिने उपयुक्त संभावना रहेको छ, लोमान्थाङ र चराङको बिचमा रहेको सेनाको लागि अधिकरण गरेको जग्गाको पनि अवलोकन ग¥यौँ र नेपाली सेनालाई त्यहाँ जानको लागि स्विकृति दिई सकेका छौँ । भौतिक सुविधाहरु निर्माण गर्ने काम अगाडी बढ्ने, चीनलाई नाका खोल्दा कुनै पनि सुरक्षा खतरा नहुने कुरा वार्ता तथा छलफलबाट आस्वस्त तुल्याउने मन्त्री रावलको भनाइ छ ।
कोरला नाका संचालनको लागि उपयुक्त रहेको मन्त्री स्तरीय टोलीको भनाई छ । नाका संचालनको लागि सरकारले उच्च प्राथमिकताका साथ काम गरिरहेको उपप्रधान तथा भौतिक योजना मन्त्री विजय गच्छदारले बताए ।
नाका खोल्न सम्पूर्ण पूर्वाधार ठिक भएकोले सडकको स्तर उन्नतीको लागि बजेट पास भैकेको र डिपिआर तयार भई टेण्डर भएकाले अब छिट्टै काम हुने मन्त्री गच्छादारको भनाई छ । उनले भने सरकारले तदारुकताका साथ काम गरिरहेकाले २ वर्ष भित्र काम पुरा गर्छाै ।
नाका संचालनको लागि मन्त्री गच्छदारले जोमसोम कोरला सडकको अध्ययन, मन्त्री रावलले सैनिक क्याम्प राख्ने जग्गाको अनुगमन र उर्जामन्त्रीसमेत रहेका उपप्रधानमन्त्री टोपबहादुर रायमाझी हावा
बाट निकाल्ने बिजुलीबारे अध्ययन गरेको बताइएको छ ।
मुस्ताङमा रहेको चीनसँगको कोरला नाकाको अहिले सम्म दर्जन बढि सरकारी अधिकारीहरुले अध्ययन अवलोकन गरी सकेका छन् ।