एक्यापद्धारा संचालित ४ दिने तालिम सम्पन्न !

मुस्ताङ साप्ताहिक संवाददाता
अन्नपूर्ण संरक्षण क्षेत्र आयोजना (एक्याप) इलाका संरक्षण कार्यालय जोमसोम द्धारा जोमसोममा संचालित क्षमता अभिवृद्धि तालिम शुक्रवार सम्पन्न भएको छ ।
एक्यापको चेकपोष्टमा कार्यरत कर्मचारी र पर्यटन प्रहरीका लागि कसरी पर्यटक सँग अन्तरक्रिया गर्ने तथा कसरी पर्यटकहरुलाई पर्यटकीय क्षेत्र र स्थानिय कलासँस्कृतिको बारेमा जानकारी गराउने, पर्यटकसँग कसरी प्रस्तुत हुने लगायतका विषयमा बारेमा पृष्ठपोषण दिनको लागि तालिम संचालन गरिएको एक्याप जोमसोमकी प्रमुख निरु थापाले बताइन् ।
सो चार दिने तालिमको सहजीकरण एक सफल टुरिष्ट गाईड हरि नेपालीले गरेक थिए ।
तालिममा पर्यटकसँग कसरी प्रस्तुत हुने, कसरी स्थानिय पर्यटकीय ठाउँको प्रचार प्रसार गर्ने, कसरी पर्यटकसँग प्रभावकारी ढंगले सुचना आदानप्रदान गर्ने र नक्सालाई कसरी हेर्ने÷पढ्ने विषयमा सहजीकरण गरिएको प्रशिक्षक नेपालीले बताए ।
त्यसैगरी पर्यटन नियम, पर्यटकीय क्षेत्रमा लाग्ने शुल्क, कलासँस्कृति, यस क्षेत्रमा भएका पर्यटकीय संभावनाहरुको बारेमा सहजीकरण गरेको प्रशिक्षक नेपालीको भनाई छ ।
क्षमता अभिवृद्धि तालिम एकदमै प्रभावकारी रहेको तालिमका सहभागिले बताए ।
तलिममा घाँसा देखि कागबेनी सम्मका एक्याप चेकपोष्टका कर्मचारी र पर्यटन प्रहरी लगायत १३ जनाको सहभागिता रहेको थियो ।