मुस्ताङ, १४ श्रावण
सिचाँई तथा जलस्रोत व्यवस्थापन आयोजना अन्तर्गत सिचाँई सव डिभिजन कार्यालय मुस्ताङले विभिन्न सिचाँई योजना संचालन गरेको छ ।
गत असोज बाट जिल्लामा संचालित उक्त कार्यालयले सिचाँईका साना ठूला योजना स्विकृत गरी काम सुचारु गरेको सिचाँई सवडिभिजन कार्यालयका प्रमुख मोहनराज आचार्यले बताए ।झोङ ४–९ को ५० हेक्टर जमिनमा १ करोड ९५ लाखको झोङ पुटाक सिचाँई योजनाको योजना स्विकृत भई ठेक्कापट्टा भएर उपभोक्ताको प्याकेज निर्माणमा काम शुरु भएको र गत जेठ देखि १५ महिनामा काम सम्पन्न गर्ने लक्ष्य सहित ड्रयागन कन्स्ट्रक्सन काठमाण्डौले निर्माणको जिम्मा लिएको कार्यालय प्रमुख आचार्यले जानकारी दिए ।
त्यस्तै मझौला सिचाई आयोजना अन्तर्गत कोवाङ ७ सौरुको २० हेक्टर जमिनमा ४४ लाखको सौरु फाँट सिचाई योजना स्विकृत गरी ठेक्कापट्टा भई १२ महिनामा काम पूरा गर्ने लक्ष्य सहित टसी ल्हखाङ कन्स्ट्रक्सन प्रालिले गत जेठबाट काम शुरु गरेको कार्यालय प्रमुख आचार्यको भनाई छ ।
सिचाई सवडिभिजन प्रमुख आचार्यको अनुसार कागबेनी ४ र ५ को ५० हेक्टर जमिनमा २ करोड २१ लाखको फलेक सिचाई योजना स्विकृत भैसकेको र निर्माण कार्यको लागि बोलपत्र आव्हान गर्ने तयारीमा रहेको छ ।
कार्यालयले सामान्य मर्मत संभार अन्तर्गत छैरो, तिरी, ताङ्वे, स्याङ, नामग्याल र ढाकमर लगाएतका ठाउँमा काम गरिसकेको छ ।
आगामी वर्ष कार्यालयले भरपर्दाे सिचाई कार्य अनुरुप उपल्लो मुस्ताङको लोमान्थाङ, घ्याकर, घोचीमा काम अगाडी बढाउने जनाएको छ ।
चीसो, यातयात समस्या र भौगोलिक विविधताका कारण निर्माणमा समस्या भएको बताउँदै कार्यालय प्रमुख आचार्यले कार्यालयमा प्रयाप्त प्राविधिक जनशक्ति नभएको बताए ।
एघार जनाको दरबन्दी भएको सिचाई सव डिभिजन कार्यालयमा हाल ५ जना कर्मचारी मात्र कार्यरत छन् ।
सरकारले जिल्ला सिंचाइ बाट डिभिजन सिंचाईको निति अवलम्बन गरेसंगै २०५८ सालमा जोमसोमबाट हटाइएको कार्यालय १४ वर्षपछि पुनः सिंचाई सवडिभिजन कार्यालयको रुपमा गत असोजमा फर्कीएको थियो ।
No comments:
Post a Comment