उपल्लो मुस्ताङको युरेनियमको सुरक्षा गर्ने जिम्मा नेपाली सेनालाई !

मुस्ताङ साप्ताहिक संवाददाता
सरकारले मुस्ताङमा भेटिएको युरेनियम संरक्षणको जिम्मा नेपाली सेनालाई दिने निर्णय गरेको छ । मन्त्रिपरिषदको शुक्रबारको बैठकले युरेनियम सेनाको सुरक्षामा सेना खटाउने निर्णय गरेको उद्योगमन्त्री सोमप्रसाद पाण्डेले मुस्ताङ साप्ताहिकलाई बताए । युरेनियमको अध्ययन अन्वेषणको जिम्मा भने उद्योग मन्त्रालयलाई दिएको छ । खानी तथा भूगर्भ विभागले हालै मात्र मुस्ताङमा प्राकृतिक खानीमा युरेनियम, नुन, पेट्रोल र कोइला रहेको पुष्टि गरेको थियो । लगतै उद्योग मन्त्री पाण्डे आफैं उक्त स्थानमा पुगेर अवलोकन गरेका थिए । युरेनियम पारमाणविक उर्जामा प्रयोग हुन्छ । र, मुस्ताङको लोमान्थाङमा युरेनियम रहेको अनुगमन टोलीले बताएको छ ।