मुस्ताङ साप्ताहिक संवाददाता१६ गाविस रहेको हिमालपारीको जिलला मुस्ताङमा अव तीन गाउँपालिका मात्र कायम हुने भएको छ। स्थानिय तहको संख्या तथा सीमाना निर्धारण आयोगले तयार गरेको खाका अनुसार मुस्ताङमा ३ गाउँपालिका मात्र कायम रहने भएको हो ।
आयोगले तयार गरेको खाका अनुसार उपल्लो मुस्ताङ, विच मुस्ताङ र तल्लो मुस्ताङ गरेर मुस्ताङमा तीन गाविस हरु मात्र निर्धारण भएको सरोकारवालाको भनाई छ ।
एक गाविस बराबर एक वडा र कम्तिमा ५ गाविस को एक गाउँपालिका वा नगरपालिका हुने व्यवस्था बमोजिम अयोगले मुस्ताङका १६ गाविस लाई ३ गाउँ पालिका बनाउदा कुनै एक गाविसलाई फुटाएर एक अर्कामा गाभ्नुपर्ने अवस्था सिर्जना हुनसक्ने भएकाले सम्बन्धीत गाविस तथा वडाका सरोकारवालाहरु संग छलफल र समन्वय गरी सीमा निर्धारणलाई टुङग्याउँदा उपयुक्त हुने एमाले जिल्ला कमिटि मुस्ताङका अध्यक्ष चन्द्रमोहन गौचलने मुस्ताङ साप्ताहिक लाई बताए ।
स्थानीय तहको संख्या तथा सीमाना निर्धारण आयोगले देशभरमा स्थानीय तह, गाउँपालिका÷नगरपालिका ५ सय ६५ वटा भन्दा बढी नहुने खाका तयार गरेको छ । आयोगले जनसंख्या वितरण, क्षेत्रफल, जिल्लाको प्रकृति, जिल्ला समन्वय समितिको संरचना र र विद्यमान स्थानीय निकायको संख्याको अनुपातलाई आधार मानेर स्थानीय तह बढीमा ५ सय ६५ वटा भन्दा बढी नहुने बताएको हो ।
आयोगले विभिन्न राजनीतिक दलका प्रतिनिधि, विज्ञ तथा सरोकारवाला लगायत करिब ७ सय जनासँगको छलफलपछि पाँच वटा आधार तयार पारेर सोमबार स्थानीय तहको अधिकतम संख्या सार्वजनिक गरेको हो । आयोगका प्रवक्ता डा हरि पौडेलले यो संख्या अझै घट्नसक्ने बताए।
आयोगले गाउँपालिकाका लागि हिमाली भेगमा १५ हजार, पहाडी भेगमा २५ हजार र तराईमा ५० हजार जनसंख्या तोकेको छ । यस्तै, आयोगले नगरपालिकाका लागि हिमाली भेगमा २० हजार, पहाडी भेगमा ३५ हजार, तराईमा ७५ हजार र काठमाडौ उपत्यकामा ९५ हजार जनसंख्या तोकेर स्थानीय तहको अधिकतम संख्या निर्धारण गरेको हो । आयोगले पहाडी जिल्लाका सदरमुकामका नगरपालिकाका लागि ४५ हजार तथा तराई र भित्री मधेशका जिल्ला सदरमुकामका नगरपालिकाका लागि ९५ हजार जनसंख्या तोकेको छ ।
No comments:
Post a Comment