घाईते अवस्थामा भेटिएको हिउँ चितुवाको मृत्यु !

केशव विश्वकर्मा
मुस्ताङ, ६ श्रावण
       मुस्ताङको छुसाङमा साउन ३ गते घाईते अवस्थामा भेटिएको विश्वमा दुर्लभ मानिने भाले हिउँ चितुवा मरेको छ । घाईते चितुवा जोमसोममा उपचारको क्रममा बुधवार साँझ मरेको हो ।हिउँ चितुवाको उपचारको लागि सदर चिडियाखाना जावलाखेल ललितपुरबाट आएको प्राविधिकको टोलीद्धारा मंगलवार साँझ ६ बजेर २१ मिनेट जाँदा चितुवाको उपचार सुरु गरिएको र उपचारको क्रममा सो चितुवा बेलुका ८ बजेर १५ मिनेट जाँदा मरेको उपरचारमा संलग्न प्राविधिक राधाकृष्ण घर्तिले बताए ।
चितुवा धेरै दिनसम्म घाईते अवस्थामा रहेकाले अत्याधिक रक्तश्राव भएको र शरिरमा पानीको मात्रा एकदम कम भएकाले छाला पनि कडा भैसकेको थियो, चितुवा बाँच्न सक्ने अवस्थामा थिएन् । त्यहि नि बचाउन सकिन्छ कि भनेर उपचार शुरु ग¥यौ तर बचाउन सकिएन चितुवा म¥यो । प्राविधिक घर्तिले भने ।
घाईते चितुवाको नेपाली सेनाको सहयोगमा जिल्ला अस्पताल जोमसोममा एक्सरे गरेर हेर्दा पछिल्ला दुई वटै खुट्टा भाँचिएको एउटा खुट्टा अनिवार्य रुपमा काट्नुपर्ने अवस्थामा रहेको थियो । उपचारमा संलग्न प्राविधिकको भनाई छ ।
प्राविधिक घर्तिका अनुसार ०.०८ एमएल मिडिटो मिडियम र ज्यूलोटिल (लठ्याउने औषधी) प्रयोग गरी उपचार थालेको र १ एमएल एन्टिसेडन (बिउँझ्याउने) औषधी प्रयोग गरिएको थियो ।
चितुवाको भाँचिएका खुट्टा कुहिएर किरा परेको देखिएकाले करिब २ हप्ता अगाडी देखि घाईते भएको हुन सक्ने र कुनै चोरी शिकारीको पासोमा परि या भिरबाट लडेर दुवै खुट्टा भाँचिएको हो भनि पुष्टि हुन सकेको छैन् ।

राष्ट्रिय प्रकृति संरक्षण कोष (ल्त्ल्ऋ) अन्तर्गत राष्ट्रिय निकुञ्ज तथा वन्यजन्तु संरक्षण विभाग सम्पर्क अधिकारीको कार्यालयले सो चितुवालाई नष्ट गर्न लिखित निर्देशन दिएको अन्नपूर्ण संरक्षण क्षेत्र आयोजना (एक्याप) इलाका कार्यालय जोमसोमकी प्रमखु निरु थापाले जानकारी दिइन् ।
प्राप्त निर्देशन अनुसार सो चितुवालाई सरकारी कार्यालयका प्रतिनीधि तथा सम्बन्धीत सरोकारवालाहरुको रोहवारमा मुचुल्का गरी श्रावण ७ गते नष्ट गरिने (जलाउने) सो संग सम्बन्धीत सम्पूर्ण कागजात केन्द्रमा पठाउने एक्याप जोमसोमकी प्रमुख थापाले बताइन् ।