“म पुन मेरो गृह पार्टी नेकपा एमालेमा फर्किन चाहान्छु”
मुस्ताङ साप्ताहिक संवाददाता
मुस्ताङ, २९ असार
![](https://blogger.googleusercontent.com/img/b/R29vZ2xl/AVvXsEgXPqkTnXjWa4xMFEAmsyzJdKBOdcJmEx2dKlRmCtFuqxmflfl9zwRZVR59zQD2dWtqv_D5XZD-BTDdtnpXzyElbOxs9HRai_BZLXxt4zQPFrTdUTdGV3CzxyxruF2aB1jsKfWiFEB0C_E/s320/tasi+shangmo.jpg)
नेकपा एमालेलाई पु¥याएको आघात प्रति क्षमा याचना गर्दै नेकपा एमाओवादी परित्याग गरी पुन एमालेको कार्यकर्ता भई काम गर्न चाहेको बताउँदै उनले नेकपा एमाले जिल्ला कमिटि मुस्ताङमा आत्मालोचना सहितको लिखित प्रतिवद्धता पत्र पेश गरेकी छिन् ।
आत्मालोचना सहितको प्रतिवद्धता पत्रमा गुरुङले आफु साधारण सदस्य रहेकै अवस्थामा संविधानसभा जस्तो गरिमामय स्थानमा पु¥याइ मेरो व्यक्तिगत मान, इजजत र प्रतिष्ठा बढाइदिएकोमा पार्टी प्रति सदैव ऋणी भएको र जिवनमा आफ्नो पार्टी नेकपा एमाले माथि गरेको ठूलो भूल र गल्तीबाट पार्टी प्रति आस्था एवं विश्वास राख्दै आएका बफादार कमरेडहरु प्रति घाउचोट पु¥याएकोमा आत्मालोचनाका साथ क्षमा याचना माग्दछु भनेकी छिन् ।
पद प्रलोभनमा फसि पार्टी परित्याग गरेकोमा आफुलाई पश्चताप भएको भन्दै गुरुङले आफुले गरेको गल्ती प्रति आत्मालोचना गर्दै नेकपा एमाओवादी पार्टी परित्याग गरी पुनः गृह पार्टी नेकपा एमालेमा गर्न चाहेको बताएकी छिन् । साथै उनले अव एमालेमा पुन प्रवेश गरे पश्चात पार्टीको बफादार सिपाहीको रुपमा पार्टीले दिएको जस्तोसुकै काम जिम्मेवारी इमान्दारी पूर्वक पालना गर्ने प्रतिवद्धता संगै भविष्यमा अनियमित महत्वकांक्षा राखी पार्टी निर्देशन र हित विपरित कुनै किसिमको कार्य नगर्ने सो पत्रमा उल्लेख गरेकी छिन् ।
गुरुङले आगामी दिनमा जिल्ला पार्टी र पार्टीका सम्पूर्ण कर्मठ कार्यकर्ताहरु संग हातेमालो गर्दै पार्टीको विधान, घोषणापत्र र सिद्धान्तमा रहि पवित्र मन, वचन र कर्मले पार्टीको जिम्मेवारी वहन गर्न तत्पर रहेको र सो अवसर प्रदान गरिदिनको लागि आत्मालोचना सहितको प्रतिवद्धता पत्र मार्फत नेकपा एमाले जिल्ला कमिटि मुस्ताङलाई अनुरोध गरेकी छिन् ।
उनले नेकपा एमालेमा फर्किइ काम गर्ने चाहाना व्यक्त गरेपछि नेकपा एमाले जिल्ला कमिटिले आत्मालोचना सहितको प्रतिवद्धता पत्र पेश गर्न सुझाव दिएको बताइएको छ ।
![]() |
“पूर्व सभासद टसी स्याङ्मो गुरुङको आत्मालोचना सहितको प्रतिवद्धतापत्र” |
No comments:
Post a Comment