मुस्ताङमा नागरिकता भन्दा पासपोर्ट लिनेको संख्या बढि !

केशव विश्वकर्मा
मुस्ताङ, १६ श्रावण
गत वर्ष जस्तै यस वर्ष पनि जिल्ला प्रशासन कार्यालय मुस्ताङमा नागरिकता भन्दा पासपोर्ट लिनेको संख्या बढि रहेको छ । कार्यालयले आ.व. ०७२÷०७३ मा वंशजको आधारमा ३ सय ४१ वटा नयाँ नागरिकता वितरण गरेको छ । भने आमाको नामबाट नागरिकता वितरण ३, ४ सय ६४ वटा प्रतिलिपि नागरिकता वितरण र २ हजार २ सय १९ पुरानो नागरिकता अभिलेखीकरण गरेको कार्यालयले जनाएको छ ।
त्यसैगरी कार्यालयले आ.व. ०७२÷०७३ मा राहदानीको साधारण सिफारिस ३ सय ८६, द्रुत सिफारिस ५ सय १३, राहदानी वितरण ३ सय ६८ र वितरण हुन बाँकी ५४ वटा राहदानी रहेको प्रमुख जिल्ला अधिकारी गणेश बहादुर अधिकारीले जानकारी दिए ।
गत आ.व. ०७१÷०७२ मा कार्यालयबाट वंशजको आधारमा ३ सय ७० नयाँ नागरिकता वितरण, ३ सय ५० प्रतिलिपि नागरिकता वितरण र २ वटा बैबाहिक अंगिकृत नागरिकता वितरण गरिएको थियो । त्यस्तै राहदानी तर्फ साधारण र दु्रत गरी ९ सय ३५ सिफारिस र ४ सय २ वटा राहदानी वितरण गरेको थियो ।  
लेखा शाखा तर्फ कार्यालयले आर्थिक बर्ष २०७२÷०७३ मा २२ लाख ११ हजार ७ सय २० रुपैयाँ राजस्व संकलन गरको छ । जुन गत आ.व. को भन्दा ६ लाख ३२ हजार ८४ रुपैयाँले बढि हो ।
प्रशासन शाखाले ०७२÷०७३ मा संस्था दर्ता ७, हातहतियार नविकरण ३६, विवाह दर्ता ७, नावालक परिचयपत्र १८, तिब्बती शरणार्थीको परिचय पत्र नविकरण ६३, शरणार्थीको लागि यात्रा अनुमति पत्र सिफारिस १ र १ सय १६ विविध सिफारिस गरेको छ ।
त्यसैगरी भूकम्प पिडितलाई अस्थायी आवासको लागि राहत वितरण÷परिचय पत्र वितराण ४१, कार्यालय निरिक्षण ६, बजार अनुगमन ७, सिमा क्षेत्र निरिक्षण ७, घुम्ती सेवा शिविर २, सुशासन समितिको बैठक २, जिल्ला सुरक्षा समितिको बैठक २३, विपद व्यवस्थापन समितिको बैठक ३, ठाडो उजुरी ४, कार्यालय प्रमुखको नियमित बैठक १२ पटक गरेको कार्यालयले जनाएको छ ।