मुस्ताङ साप्ताहिक संवाददाता
मुस्ताङ, १३ श्रावण
नेपाल निजामति कर्मचारी संगठन मुस्ताङको अध्यक्षमा मतिलाल चपाई चयन भएका छन् । गत बुधवार जोमसोममा भएको संगठनको बृहत भेलाले चपाईको अध्यक्षतामा १९ सदस्यिय कार्य समिति गठन गरेको हो ।
समितिको उपाध्यक्षमा नविन अधिकारी (जिल्ला कृषि विकास कार्यालय), महिला उपाध्यक्षमा कालिका चौधरी (शितोष्ण बागबानी केन्द्र), सचिवमा नारायण प्रसाद रेग्मी (जिल्ला स्वास्थ्य कार्यालय), सहसचिवमा शिव थापा (जिल्ला हुलाक कार्यालय), र कोषाध्यक्षमा धनपति पौडेल (जिल्ला स्वास्थ्य कार्यालय) रहेका छन् ।
त्यसैगरी समितिको सदस्यहरुमा राम शरण सापकोटा जिल्ला कृषि विकास कार्यालय, प्रकाश परियार जिल्ला पशुसेवा कार्यालय, मिना थापा महिला तथा बालबालिका कार्यालय, लिला थापा जिल्ला प्रशासन कार्यालय, पूर्ण बहादुर गुरुङ जिल्ला प्रशासन कार्यालय, राम साफी शितोष्ण बागबानी केन्द्र, नारायण प्रसाद पौडेल जिविस, टंकराज बराल जिल्ला शिक्षा कार्यालय, उमानन्द आचार्य हुलाक कार्यालय, निल बहादुर गर्बुजा कोलेनिका, प्रेम प्रसाद पौडेल जिविस, अनन्त बाबु बराल जिल्ला प्राविधिक कार्यालय र भिम बहादुर थकाली जिल्ला कृषि विकास कार्यालय रहेका छन् ।
सो अवसरमा बोल्दै समितिका निवर्तमान अध्यक्ष प्रेम के.सी ले निजामति कर्मचारीहरुको पेशागत हिकहित, सुरक्षा तथा गुनासालाई निति निर्माणकोे तहमा पु¥याई सम्बोधन गराउने दायित्व नेपाल निजामति कर्मचारी संगठनको काँधमा रहेको बताए । साथै उनले पेशागत हकहितको सुनिश्चितता गराउन अग्रहणी भूमिका खेल्न राष्ट्रसेवक निजामति कर्मचारीहरुलाई आग्रह गरे ।
वि.सं. २०६९ साल चैत्र १९ गते निजामति कर्मचारी संगठन मुस्ताङको नवौँ अधिवेशनले प्रेम के.सी.को अध्यक्षतमा कार्य समिति चयन गरेको थियो । गत जेठ १९ गते भएको अधिवेशनले ट्रेड युनियनको चुनावमा विजय हासिल गरेपछि तत्कालिन संगठन अध्यक्ष पे्रम के.सी. सिविए अध्यक्षमा चयन भएका थिए । कार्य समितिमा रहेका कर्मचारी सरुवा भैजाने भएकाले रिक्त रहेको पदपूर्ति सहित संगठन पुर्नगठन गरिएको नवनिर्वाचित अध्यक्ष चपाईले बताए ।
उक्त कार्यक्रम निवर्तमान अध्यक्ष के.सी.को अध्यक्षता गुमान बहादुर थापाको शुभकामना र टंकराज बरालको संचालनमा सम्पन्न भएको थियो ।
No comments:
Post a Comment