मुस्ताङमा बन्दको कुनै प्रभाव परेन !

मुस्ताङ साप्ताहिक संवाददाता
मुस्ताङ १० श्रावण
नेकपा माओवादी (बिप्लव) ले आज आव्हान गरेको नेपाल बन्दको प्रभाव देश भरिनै पूर्णरुपमा परिरहेको बेला मुस्ताङमा भने बन्दको कुनै प्रभाव परेको छैन् ।
हिमालपारीको जिल्ला मुस्ताङमा सवारी साधन निर्वाध रुपमा चलेका छन् । सरकारी कार्यालय तथा यहाँका पसलहरु बिना अवरोध संचालन भैरहेका छन् ।
मुस्ताङको सदरमुकाम जोमसोम बजारमा विहानै देखी नेपाल बन्दको कुनै प्रभाव परेन । बन्द गराउन तथा बन्दको आव्हान गर्न कुनै पनि कार्यकर्ता नदेखिएकाले मुस्ताङमा बन्दको प्रभाव नपरेको प्रहरी नायव उपरिक्षक हरिहरनाथ योगीले बताए ।
विभिन्न पार्टीहरुले बेलाबेलामा नेपाल बन्दको आव्हान गरेतापनि विगतका वर्षहरु देखिनै मुस्ताङमा बन्दको कुनै पनि प्रभाव नपरेको सरोकारवालाहरु बताउँछन् ।
नेपालका सुकुम्बासीहरुको समस्या राज्यले सुन्नुको सट्टा उल्टै दमन गरेको बिरोधमा सोमबार नेपाल बन्दको घोषणा गरेको माओवादीले जनाएको छ ।