– डा.कविताराम श्रेष्ठ
पहिले मुस्ताङ् क्षेत्र बिदेशी पर्यटकहरूको लागि खुला थिएन । परिवर्तित नेपालले त्यो निषेध हटायो र यसै सुबिधाको उपयोग गरी पर्वतारोही पीटर एथेन्स मुस्ताङ्तिर ट्रेकिंगमा गएछन् । यसै अबसरमा उनले त्यता असंख्य मानब निर्मित गुफाहरू देखेछन् । यस बारेमा पछि अध्यन गर्ने निधो गरेर फर्केछन् ।
पछिका भ्रमणमा उनले सामान्य अवलोकनबाट जे देखे ती पुरातात्विक हिसाबमा महत्वपूर्ण देखे र उनले आधिकारिक अध्ययनको लागि नेसनल ज्योग्राफिकमा सम्पर्क राखे । नेसनल ज्योग्राफिकले यसलाई अति महत्वका विषय मानेर पूरातत्ववीद अलडेन डेरफरको नेतृत्वमा अध्ययन अघि बढायो । फोटो ग्राफर छानिए कोरी रिचार्ड्स ।
धेरै वर्षसम्म यसको अध्ययन भयो । फोटो ग्राफर कोरी रिचार्ड्स बताउछन् । उनले १२ पल्टसम्म यस क्षत्रमा भ्रमण गरे र एकपल्ट त भीरबाट खसेर उनको ढाडै भांचिएको थियो । गत वर्ष यसका उपलव्धिहरूको बारेमा अनेकन स्टिल फोटोहरूसाथ धेरै हल्लीखल्ली भाको थियो ।
यसपाली त हालसम्मको प्राप्तिहरूको बारेमा नेसनल ज्योग्राफिकले “स्काई केभ्स अफ नेपाल-लाइभ” शीर्षकमा तीनवटा भिडियो नै तयार गरेका छन्, जो यस अध्ययनका योजनाकार पर्वतारोही पीटर एथेन्स, पूरातत्ववीद अलडेन डेरफर र फोटो ग्राफर कोरी रिचार्ड्सले प्रेसको सामू दिइएका प्रवचन हुन् । यी भिडियोहरूमा उनीहरूका प्रवचनसाथ अचम्मलाग्दा गुफाहरू र उनमा प्राप्त वस्तुहरू पनि देखाइएका छन् ।
https://www.youtube.com/watch?v=WMTZBw1SISA
https://www.youtube.com/watch?v=kzu5JAgb2vQ
यिनमा दुइ खाले गुफाहरू पेश छन् । एक खाले बौद्धलामाहरूको लागि बनाइएका गुम्बा र अर्का मानब चिहान ।
बौद्ध गुम्बाका भित्ताहरूमा बौद्ध चित्र, बौद्ध ग्रन्थहरू र बौद्ध चैत्य पाइएको देखाइएका छन् । यी गुफाहरूको बनौट नै बडो अनौठो देखिन्छ । तिनका बनौटको आर्किटेक्चरल एनिमेसन समेत पेश गरिएका छन् । जसले गुफाहरू भित्रभित्रै दस तलासम्म माथितिर र हरेक तल्लामा तेर्सोपट्टि धेरै चार्कुना मेलाका कोठाहरू खोपिएका देखाइएका छन् । यसको समय १३ रौँ शताब्दितिर भएको पुरातत्ववीद अलडेन डेरफर जनाउँछन् ।
![](https://blogger.googleusercontent.com/img/b/R29vZ2xl/AVvXsEhrPhcZDO-kLijC0IY1vW_EHrSrFvHU8sG8bKWbB5szwnbcNusA6vAgBJzUz47NzON7dpPL2HFyW2PTY8HdOGmFYc2xCY3sn768kmTdIPk06R5ZnxXWGU9UM0l-UkzZukwYqPxBYjfz5_o/s320/bb403db6de148bf3bc8de908c82d8159.jpg)
साथमा तिनका लागि चढाइएका गरगहना, खाद्य वस्तुहरू र पशुका, हाडखोर, भाँडाकुँडा, रेशमका टुक्रा आदि वस्तुहरू पनि पाइएका देखाइएका छन् । कुनैकुनै लाश धेरै गहिराइमा राखिएका पाइएका छन् भने कुनै बाकसमा हावा नछिर्ने गरी बन्द गरिएको अवस्थामा पनि पाइएका छन् ।
यसरी हावा नछिरेका कारण यी कंकाल वा लाशहरू सग्लै र नमक्किएको अवस्थामा देखिन्छन् । यिनका साथै चढाइएका वस्तु, पशुका हाडखोर, अन्नका पिठो पनि सबै सग्ला अवस्थामा पाइएका छन् । यिनमध्ये चीनतिर बन्ने सिल्कका टुक्राहरू र पश्चिमी देशतिर पाइने रत्नका गहना पनि भएकाले पूरातत्ववीद अलडेन डेरफरले यो मुस्ताङ् क्षेत्र चीन र युरोतिरको सिल्करोडलाई भारतसंग जोड्ने एउटा महत्वपूर्ण मार्ग थियो त्यसैले यी सामग्रीहरू यहाँ पाइयो भन्ने निष्कर्ष निकालेका छन् ।
![](https://blogger.googleusercontent.com/img/b/R29vZ2xl/AVvXsEijWa2mYoM8HDLNbDFpbj8jYsRYsVdm3nlvwR06mnXyTNS5Ys8HN6mq8LNoxcAGHoczkwc68wCtF6RYpyeVNxDk8zb0rrYYtAlkZA6xMIJxykiShAyUV0HBw02Hq4VkWuwYojEv1LOl7HU/s320/07-tibetan-buddhist-lama-leads-horse-through-samdzong-670-650x434.jpg)
![](https://blogger.googleusercontent.com/img/b/R29vZ2xl/AVvXsEiYx9W3Wm_iEFgcFz_CnI7m2fuOGNsGMTdbbB9QlOnHcJPYQWu2xLAd6vbJbhIOEv3-zMYwpUAAmbhSRV2CBW5pphEVghRns4Btxvv_ba8BtqhsEy0RRCYUFoQAniqi88ODDI6HnRjNcTY/s320/28EXPLORER1_SPAN-articleLarge.jpg)
![](https://blogger.googleusercontent.com/img/b/R29vZ2xl/AVvXsEj1NhhGPivNliruX1w7MdQh4_hrYQqtl837WCOPWRk2w8ERluoQvVySLI0iTslp_arcL4x_4a7rkSjU788z8gu1vWGCYR47kzeRVRJyrNTxHkYvm1wpZga4sG5gwNLGsAMvO72WcTV6S8A/s320/chocopani-1-photo-c2a9-pete-athans-1-650x366.jpg)
![](https://blogger.googleusercontent.com/img/b/R29vZ2xl/AVvXsEhRlMvFh4qn5cXYk5x1BlSBmugfWQwdrTgssqlRE0jUwltA_d-hQM5NhtdTuseRg77U8lXckHshZAZeSldGxYbdr6q9r4T3OCXiYch4NvOQUw_qzbTRuwD03hVU-_hELCP3b_1kyCl7P8Y/s320/4-modelo-con-diferentes-tipos-de-tierrasjpg-768x575.jpg)
काम गर्नपर्छ । नागरिक स्तरबाटै पनि हेलिकोप्टर, खच्चर, घोडा, आदि समेतको यातायात व्यवस्थापन, तथा होटलहरूको व्यवस्था हुन सक्छ । सरकारकै अगुवाई हुन आवश्यक छैन । निजिस्तर पनि जागोस । यही शुभकामाना छ । दैनिक नेपाल बाट ।
No comments:
Post a Comment