मुस्ताङ, १७ श्रावण
हिमाली जिल्ला मुस्ताङमा यस वर्ष ३ करोड भन्दा बढि राजस्व संकलन भएको छ । अर्थिक वर्ष ०७२÷०७३ मा ३ करोड ८१ लाख ८२ हजार ५ सय ९८ रुपैयाँ राजस्व संकलन भएको कोष तथा लेखा नियन्त्रण कार्यालयले जनाएको छ ।
![](https://blogger.googleusercontent.com/img/b/R29vZ2xl/AVvXsEghjFRbaArzJD2R-LCfFy9oLWfigP2MUVpARq-fI2fIaVDFFlJSBZpo3yVHPKldHVGtUWNivebO_A41CH_jYWGbr0t6_72UKGL-z4eod1A3Bp7D1E1rJv4rVdG1slc-SQZhlIVlqHF6O04/s320/Gokarna.jpg)
गत वर्ष भन्दा यस वर्ष राजस्व संकलन ४६ लाख ८५ हजार ४ सय २५ ले बढि हो । गत आर्थिक वर्ष ०७१÷०७२ मा जिल्लामा ३ करोड ३४ लाख ९७ हजार १ सय ७३ रुपैयाँ राजस्व संकलन भएको थियो ।
चालु र पुंजीगत खर्च बढनु, ९० प्रतिशत व्यवसायी प्यानको दायरामा आउनु, पारिश्रमिक कर, अग्रिम आयकर, मदिरा, अन्त शुल्क र नविकरण शुल्क बढेकाले राजस्वमा वृद्धि भएको कोष तथा लेखा नियन्त्रण कार्यालयका कोष नियन्त्रक गोकर्णराज सुयलले बताए ।
जिल्ला प्रशासन कार्यालयले २२ लाख ११ हजार ७ सय २०, जिविसले १ लाख ३४ हजार ८ सय ९३, मालपोत कार्यालयले ७ लाख ४६ हजार १ सय ६३, घरेलु तथा साना उद्योग विकास समितिले १४ लाख १० हजार १ सय ५०, प्रहरी कार्यालयले ६ लाख २६ हजार ९ सय र शितोष्ण बागबानी केन्द्र ५८ लाख ८० हजार ८ सय ४० रुपैयाँ राजस्व संकलन गरेका हुन् ।
कार्यालयले ३ लाख २७ हजार ३ सय ९७, पशुसेवा कार्यालयले १ लाख ८ हजार ३ सय १०, नापी कार्यालयले १ लाख ६४ हजार ५ सय ७० र कोष तथा लेखा नियन्त्रकको कार्यालयले २ करोड ४८ लाख ९७ हजार ९ सय ७१ रुपैयाँ लगाएत अन्य कार्यालयहरुबाट उक्त राजस्व संकलन भएको हो ।
No comments:
Post a Comment