केशव बि.क.
![](https://blogger.googleusercontent.com/img/b/R29vZ2xl/AVvXsEgaACXA7CR_Sg6vfCB__Cwri4y1BP5RE1sm8GasUOdef3A_iwYWH_5f4AF67-6OQISo33PMAL_eTs6UVv6cz_jAa3ImXYXDFkgaMy1jYssIrC4cknPtgMebjFPYzs_4o5pBek-JLTKaJhw/s320/bbbbbbbb.jpg)
अध्यक्षका पदका दाबेदार उर्जाशील, विकासप्रेमी, जुझारु युवा उम्मेदवार विकले स्थानिय निकायमा उपलब्ध कच्चा पदार्थको उपयोग गरी औधोगिक इलाका बनाई प्रत्येक थासाङबासीलाई रोजगारी र व्यवसायमा संलग्न गराउने र आगामी ५ वर्षमा आयात घटाई निर्यात बढाउने, खनिजहरुको पहिचान गरी उपयोग गर्ने र कालीगण्डकीमा रहेको गिटी बालुवाको उत्खनन गरी आर्थिक संमृद्धि तर्फ गाउँपालिकालाई अगाडी बढाउने लक्ष्य रहेको बताए ।
बिकले समाजमा पछाडि परेका दलित, महिला, विपन्न वर्गलाई राज्यको मुलधारमा ल्याउनको लागि योजनाबद्ध ढंगले अगाडी बढने र थासाङलाई छुवाछुत मुक्त गाउँपालिका बनाउने, जनतालाई शिक्षा र स्वास्थ्यको प्रत्याभूति दिलाउन अनिवार्य शिक्षा प्राविधिक कलेजहरुको स्थापना र सुविधा सम्पन्न अस्पतालको निर्माण गर्ने र भूमिहीनलाई लिज सिष्टममा भूमि उपलब्ध गराई आर्थिक उपार्जन तर्फ अगाडी बढाउने योजना रहेको उल्लेख गरे ।
थासाङमा बसपार्क, गाउँपालिकाका प्रत्येक वडामा सडक संजालको विस्तार र वैकल्पिक पदमार्गको विकास, संचारको विस्तार गरी प्रत्येक नागरीकमा सुचनाको पहुँच पु¥याउने र खेलकुदको विकासका लागि उचित व्यवस्था मिलाउने लक्ष्य रहेको उम्मेदवार विक बताउँछन् ।
मुस्ताङको इतिहासमै पहिलोपटक दलित समुदायबाट थासाङ गाउँपालिकाको प्रमुख दाबेदारको रुपमा नेकपा माओवादी केन्द्रको तर्फबाट आफ्नो उम्मेदवारीलाई जनताले स्वागत र समर्थन गरेको बताउँदै उनले कुनै पनि चलखेलमा नपरी स्वतन्त्र पूर्वक नेकपा माओवादी केन्द्रलाई हसिया हतौडा चिन्हमा मतदान गरी बिजयी गराउन आम जनसमुदायमा अपिल गरेका छन् ।
No comments:
Post a Comment